सुवासिनी - मराठी कविता

चिंब चिंब पावसानं
रान भिजलं भिजलं
धरतीच्या भांगामध्ये
सौभाग्य सजलं सजलं

हिरव्या मेंदीचा रंग
पानापानात पसरे
हळदी कुंकवाचं लेणं
रानारानात विखुरे

रानफुलांचा गजरा
डोई माळला माळला
काळ्या ढगांचा गपोत
गळा बांधला बांधला

सुवासिनीचा मळवट
पूर्वेच्या भाळावरती
झुळझुळते पैंजण
छुमछुम माळावरती

सोळा शृंगारात सजली
माझी ग धरणी माय
सुवासिनीचं हे लेणं
तिचं रूप खुलवत जाय.

-आभार - कवि - लेखक-
XXX

No comments:

Post a Comment

होम | फोटो| आम्ही कोण? | संपर्क करा

Copyright © 2009 ग्रेट मराठी कविता... !! |Designed by सुधिर गोसावी|Converted to blogger by http://greatmarathikavita.blogspot.com/ | This template is brought to you by : http://greatmarathikavita.blogspot.com/ | Blogger Templates

ब्लॉग वर आल्याबद्दल आम्ही मनपूर्वक आभारी आहोत...!!

******सुधिर गोसावी******

ग्रेट मराठी कविता... ब्लोग वर प्रकाशित झालेली प्रतेक कविता आणि मराठी साहित्य हे मी लिहिलेले नाही. मी सुधिर गोसावी, ग्रेट मराठी कविता...मराठी मनाचा वेध घेण्यासाठी चालु केलेला एक प्रवास !! ब्लोगवर मराठी कवितेचे व साहित्याचे फक्त संग्रहण करतो, अधिकार गाजवत नाही.